Komandanti i Përgjithshëm i Guardia Di Finanza-s, Giuseppe Zafarana kreu sot një vizitë në strukturat e saj në Shqipëri.
Gjithashtu ai zhvilloi në Rezidencën Italiane, një takim me krerët e strukturave hetimore dhe drejtuesit e prokurorive, përveç se me përfaqësues të lartë të politikës shqiptare.
Në takim merrnin pjesë Prokurori i Përgjithshëm Olsian Çela, Kreu i SPAK, Arben Kraja, kryetarja e Komisionit të Politikës së Jashtme, Mimi Kodheli, ambasadori i Italisë në Shqipëri, Fabrizio Bucci dhe drejtori i përgjithshëm i Policisë së Shtetit, Gledis Nano.
Prania prej 25 vjetësh e Guardia Di Finanza-s në Shqipëri, veprimtaria e saj në kuadër të mbikëqyrjes së kufijve, të luftës ndaj organizatave kriminale, si dhe të hetimeve financiare është në interes të ndërsjelltë për krijimin e një Evrope të lirë e të sigurt.