Mes tyre janë rivalë të mëdhenj, por respekti karshi njëri-tjetrit është maksimal. Në Premier League shumë interesante janë duelet mes trajnerit të Manchester City-t Pep Guardiola dhe atij të Liverpool-it, Jurgen Klopp.
Sot skuadrat do të përballen mes tyre në orën 21:00 në “Etihad Stadium” në takimin e javës së 21-të.
Momentalisht skuadra e gjermanit ka shtatë pikë më shumë dhe mban kreun e tabelës e kjo është një mundësi e mirë për ekipin e katalanasit që të shkurtojnë diferencën.
“Pikë së pari, ai është një trajner i mrekullueshëm. Unë kam një raport të mirë me të dhe skuadra e tij gjithmonë luan mirë. Nuk i kam numëruar sa herë i kam mposhtur trajnerët dhe pastaj të mendoj se jam special”, tha Pep para takimit.