Rudina Hajdari nuk është në asnjë listë të PD-së, për zgjedhjet parlamentare të 11 majit. Ajo thotë se nuk ndodhet në lista pasi kërkoi që Berisha të mos ishte kandidat për kryeministër. ”PD-ja duhet të zgjedhë një ekip të ri, të pakonsumuar dhe të papërlyer për korrupsion”.
Postimi i plotë
Doja thjesht t’u përgjigjesha demokratëve që më kanë shkruar për të pyetur pse emri im nuk figuron në listat e PD-së. Nuk kam kërkuar të jem pjesë e tyre këtë herë, sepse e kam shprehur qartë në mbledhjen e fundit të Këshillit Kombëtar.
Për të fituar, PD-ja duhet të zgjedhë një ekip të ri, të pakonsumuar dhe të papërlyer për korrupsion. Që të krijojë një kontrast të fortë me qeverinë e Edi Ramës. Në atë mbledhje kam theksuar se kryetari duhet të bënte një hap pas për t’i hapur rrugë një kandidature tjetër për kryeministër.
Meqenëse kjo nuk u mor parasysh, vendosa të mos kërkoj të jem pjesë e kësaj liste. U uroj fitore kolegëve dhe shpresoj që të arrijnë rezultatin më të mirë të mundshëm. Unë do të vazhdoj të jap kontributin tim dhe të mbështes PD dhe demokratët, paçka se nuk bie dakord me disa vendime.