Komuniteti LGBTQIA+ ka mbajtur sot marshimin e krenarisë në bulevardin “Gjergj Fishta” në Tiranë, me qëllim ndërgjegjësimin dhe respektimin e të drejtave të tyre.
Parulla me të cilën mbahet parada këtë vit është “Hape Zemrën”. Me pankarta në duar e flamujt, ata kërkojnë të drejta të barabarta, mos të diskriminohen dhe bullizohen.
Pavarësisht se Shqipëria prej vitesh ka bërë përparime në drejtim të mbrojtjes së të drejtave të komunitetit, disa anëtarë thonë se ende ata vuajnë problematika të ndryshme, siç është diskriminimi, refuzimi i shërbimeve etj.