Heqja e masave anti-Covid në pikat kufitare nga Komiteti Teknik i Ekspertëve si dhe lejimi i muzikës përtej orës 23:00 nëpër klabet e natës do të sjellë një ndikim pozitiv në turizëm. Kështu ka deklaruar gjatë një interviste për Klan News ministres Mirela Kumbaro.
Sipas saj edhe pse presin një rritje të numrit të vizitorëve pritet të ketë mungesa për shkak të situatës së luftës.
“Duke pasur parasysh që tregu i Rusisë, Ukrainës dhe Bjellorusisë ishin shumë premtues për këtë vit, vetëm nga Ukraina prisnim rreth 130 mijë turistë që do t’i mungojnë tregut”, tha ministrja.
Ministrja Kumbaro ka sqaruar se prioritet do të jetë mbajtja e pastër e mjedisit.
“Agjencia Kombëtare e Bregdetit vetëm për territorin e plazheve do të jetë në krah të bashkive, me vrojtues shtesë, një operator plus për të siguruar pastrimin e territorit”, tha Kumbaro.
Përgjatë vijës bregdetare janë në total 380 parcela publike dhe 1359 parcela ose stacione plazhi për të cilat është mbyllur aplikimi dhe tashmë po lidhen kontratat ku kusht është që secila prej tyre të ketë kontratë me një roje bregdetare.