Moderatorja e njohur Dojna Mema së fundmi në rrjetin e saj të “Instagramit’ ka lejuar ndjekësit e saj që ta pyesin për ata që duan. E sigurisht në mesin e pytjeve të tjera nuk kishte se si të mungonte dhe një nga kryefjala e mediave gjatë ditëve të fundit ‘shembja e Teatrit Kombëtar”.
Moderatorja është pyetur se nëse është dakord apo kundër me shkatërrimin e saj, e ndërkohë ajo është shprehur se personalisht nuk ka pasur ndonjë kujtim të bukur nga teatri dhe madje njëherë që kishte shkuar për të ndjekur një shfaqje nuk e ka përfunduar për shkak se ambient ishte i ftohtë.
“Ja të pyesim njëherë për teatrin? Pro apo kundër shembjes ?”- shkruan ndjekësja.
“Nuk jam personi i duhur për t’u përgjigjur sepse nuk kam patur asnjë lidhje emocionale me teatrin, Unë nuk jam brez që ka jetuar në shkëlqimin e tij madje herën e fundit që shkova e lashë shfaqjen për gjysmë se kisha ftohtë. Megjithatë jam kundra çdo forme dhune që pashë apo politizmi që një çështjeje që i takon vetëm qytetarëve.”– ka shkruar Dojna.
