Në orët e para të mëngjesit një 17-vjeçar ndërroi jetë pasi makina që drejtonte me shpejtësi të lartë doli nga rruga e u përplas me një pemë. Ngjarja e rëndë u regjistrua në aksin rrugor Gjirokastër-Kakavijë, dhe mësohet se ai ishte i apasionuar pas garave dhe shpejtësisë me makina.
Bëhet fjalë për të riun Myftar Xhebro, i cili ishte pjesë e të rinjve të skuadrës së Luftëtarit. Në vendngjarje mbërritën tre ambulanca dhe forcat zjarrfikëse për të nxjerrë trupin e viktimës nga makina që ishte bërë copë. Ai nuk arriti ti mbijetonte plagëve të marra.
Si pasojë e kësaj ngjarjeje të rëndë, në sfidën mes Laçit dhe Luftëtarit do të mbahet 1 minutë heshtje në nder të futbollistit të të rinjve të Luftëtarit që humbi jetën nga aksidenti.
Lexo edhe- Makina del nga rruga dhe përplaset me pemën, humb jetën 17-vjeçari