Emri i Elseid Hysajt vazhdon të mbetet i lidhur me Milanin. Mbrojtësi i djathtë nga Shkodra, ndodhet në vitin e fundit të kontratës me Napoli. Në verë do të vijë ndarja, por jo largimi nga Serie A.
Agjenti i 27-vjeçarit po negocion prej ditësh me drejtuesit e “Djallit”. Këta të fundit i cilësojnë shumë 20 milion eurot që kërkon United për Dalot, kështu që kanë zgjedhur Hysajn, i cili vjen pa kosto.
Bisedimet janë fokusuar te rroga sezonale. Mediat italiane raportojnë se lojtari i kombëtares shqiptare kërkon 3 milion euro në sezon, teksa akordi pritet të arrihet për 2.5 milion euro + bonuset.