Etapë e re në horizont për Lewis Hamilton. Piloti britanik, pas 13 vitesh te Mercedes, ka kaluar te Ferrari. Hamilton, së fundmi, nuk ka hezituar që të bëjë një postim, në rrjetet sociale.
“Janë disa ditë që e di se do t’i mbash mend gjithë jetën dhe sot, dita ime e parë si ngasës i Ferrarit, është prej atyre ditëve”.
“Isha mjaftueshëm me fat për të realizuar gjëra në karrierën time që mendoja se ishin të pamundura. Por një pjesë e imja është mbajtur gjithmonë pas asaj ëndrre për të garuar me ngjyrën e kuqe. Nuk mund të jem më i lumtur që e realizoj këtë ëndërr sot. Sot po e fillojmë një epokë të re në histori të këtij ekipi ikonik dhe mezi pres të shoh se çfarë rrëfimi do të shkruajmë së bashku”, shkroi Hamilton.