Në “Air Albania” stadium ka filluar ndeshja e parë e “Yjeve” mes Shqipërisë dhe Italisë. Para nisjes së ndeshjes kishte dhe një ceremoni të veçantë ku disa fëmijë formuan së bashku rrethin në mesin e fushës duke mbajtur tollumbace të bardha. Ndërsa pas tyre ekipet dolën në fushë për të përshendetur tifozët edhe u mbajt një minutë heshtje për viktimat e tërmetit.
Ajo që ra në sy në daljen e fëmijëve ishte djaloshi i vogël Aureli. Aurel Lala është djali i cili “fluturoi” nga pallati i tij për të shpëtuar nga tërmeti. Djaloshi i vogël është padyshim një nga simbolet e ngritjes dhe vazhdimit të jetës pas atij tërmeti shkatërrimtar.
