Shqiptarët janë të suksesshëm në botë. Shembulli vjen nga afër, nga Italia. Ilir Avdullai, i riu nga Fieri sot po sfidon dhe vetë napolitanët me picat.
Iliri shkoi në Itali pranë të vëllait ku dhe vijoi studimet për ekonomik. Fati kishte rezervuar tjetër gjë për të. Ata hapën një restorant në Friuli Venezia Giulia dhe ai braktisi studimet për t’iu përkushtuar punës së tij në restorant.
Për duart e Ilirit pasioni u bë tashmë brumi i picës dhe përbërësit e tij. Dikur dikush i tha se çfarë e bënte të veçantë picën e tij nga të tjerët, e kështu le të themi se nisi dhe artin e picës, atë të veçantisë së brumit dhe përbërësve të fushës për t’i dhënë picës së tij napolitane dhe aromë Shqipërie.
Ai dhe restoranti i tij konkurron në Akademinë Kombëtare Pizza DOC ku sfidon dhe vetë napoletanët me “artin” e tij.