Ndonëse 41 vjeç, Ibrahimovic është grumbulluar me kombëtaren suedeze për ndeshjet eliminatore të Europianit 2024.
Sulmuesi sapo është rikthyer nga një dëmtim çka e mbajti jashtë për shumë muaj, por javën e fundit ishte në formacion me Milanin në humbjen 3-1 në Udine.
Në konferencën për shtyp përpara ndeshjes së Suedisë me Belgjikën, Ibra u pyet edhe për moshën e tij dhe pjesëmarrjen në kombëtare pas të 40-ave.
“Unë jam e shkuara, e tashmja dhe e ardhmja e futbollit suedez”, u përgjigj futbollisti.