Rrugëtimin në mbrojtjen e titullit kampion në Serinë A, Interi nuk e ka nisur në mënyrën më të mirë të mundshme. Skuadra zikaltër është ndalur në një barazimin 2-2 në ndeshjen e parë të kampionatit, të luajtur në fushën e Xhenoas.
Sfida ishte e luftuar, teksa Thuram ishte ai që për pak u bë hero i Interit. Sulmuesi francez realizoi golin e përmbysjes në minutën e 85’ dhe gjërat po shkonin mjaft mirë për ekipin e Inzaghit, deri në minutën e 90’, kur vendasit fituan një penallti.
11-metërshin e mori përsipër Messias, i cili u ndal si fillim nga Sommer, por kur topi u kthye e dërgoi në rrjetë. Kështu Interi e nis me një ikë sezonin e ri dhe do t’i duhet të rregullojë gjërat për ndeshjen e radhës.
FORMACIONET ZYRTARE
XHENOA (3-5-2): Golini; Voljamo, Bani, De Uinter; Zanoli, Frendrup, Badelj, Malinovski, Martin; Mesias, Vitinja.
Trajner: A. Xhilardino
INTER (3-5-2): Zomer; Bisek, Açerbi, Bastoni; Darmian, Barela, Çalhanollu, Mkhitarjan, Dimarko; Turam, Lautaro Martinez.
Trajner: S. Inzagi