Inter është duke mbyllur të gjithë tratativat e deritanishme në merkato. Shumë emra janë përmendur deri më sot dhe shumë lëvizje të tjera priten pas 1 korrikut.
E sigurt duket marrëveshja me Stafano Sensi, që sipas të gjitha medieve në Itali pritet të nënshkruajë sot me klubin zikaltër. Marrëveshja do të jetë në formë huazimi me pagesë 5 milionë euro dhe të drejtë blerje për 22 milionë në fund të sezonit. Ndërkohë që tek Sassuolo do të kalojnë në formë huazimi edhe dy lojtarë të akademisë: Gravillon dhe Sala.
Në Milano sot ka mbërritur edhe Lucien Agoume, i cili do t’i nënshtrohet vizitave mjekësore dhe do të firmosë kontratë me Interin. Mesfushori i vitlindjes 2002 do të blihet për 7 milionë euro, plus bonuse nga Sochaux.