Dy ditët e fundit vendi ynë është tronditur nga tërmete të njëpasnjëshme, duke përhapur jo pak panik tek qytetarët.
Inxhinieri Gjeolog Edmond Bejtaj, është shprehur për Dritare.net se tërmeti ka qenë i një shkalle shkatërruese, ndërsa falë cilësisë së ndërtimeve, ai nuk shkaktoi më shumë dëme.
“Kur ra termeti ne Amatrice, kam debatuar ketu me disa qe jetojne jashte Shqiperise.
Dhe përkundër asaj që thoshin ata, pra një lloj ironie me situatën e ndërtimeve në Shqipëri, u kam thënë se ndërtimet në Shqipëri, sidomos këto të viteve të fundit, janë të niveleve më të larta botërore, si në projektim, ashtu dhe në ndërtim dhe cilësi materialesh, dhe natyrisht që nuk e kisha opinion nga vetja. Jam i sigurt që më kanë përqeshur dhe seriozisht u kam thënë – “Prisni se keni për ta parë këtë që po ju them. Tani po u them nëse më lexojnë. – Tërmeti i së shtunës në Tiranë dhe Durres e ka pasur magnituden në momentin e goditjes kryesore, më të lartë se tërmetet në Aquila dhe Amatrice”, shprehet ai.