Patris Evra mbetet një nga personazhet më të veçantë e më të ndjekur të botës së futbollit edhe pasi ka mbyllur karrierën e tij. Ish-lojtari i Mançester Junajtid dhe Juventusit, ka spikatur vazhdimisht edhe për shfaqjet e tij në rrjetet sociale dhe kështu vazhdon të bëjë edhe tani që është larguar nga futbolli i luajtur.
Postimi i tij i fundit ka qenë për Krishtlindjet, e siç ndodh shpesh, është bërë shpejt viral mes ndjekësve duke u përhapur kudo.
Evra ka zgjedhur të festojë në mënyrën e tij, me një kërcim humoristik, i veshur si një babagjysh mbi një dre, duke dhuruar një shfaqje të rrallë humoristike, nga ato të zakonshmet që e kanë bërë të famshëm edhe jashtë fushës së blertë.