Partia Demokratike ka reaguar pas sulmit që ju bë statujës së Ahmet Zogut në Tiranë ku i shkruan se ai ishte një tradhëtar që braktisi vendin.
Ndërkohë, selia blu përmes ish deputetes Dhurata Çupi kërkon nga çdo shqiptar respekt maksimal duke e konsideruar si figurë e ndritur historike.
“Jam ndier krenare kur nje nga hapesirat më të rëndësishme te kryeqytetit. Shqiptar, iu rezervua shtatores së Mbretit Zog. Nje figurë e ndritur e historisë së vendit tonë, nje themelues i devotshëm i institucioneve demokratike në vend, Mbreti Zog meritonte respektin maksimal të cdo shqiptari që vlerëson themeluesin e demokracisë.
Jam ndier krenare për veprën që ai la pas, por edhe si Matjane dhe për lidhjen e ngushtë familjare nga vendi i origjinës së Mbretit Zog. Ne kohën kur u vendos shtatorja diskutimi ishte dhe pikëveshtrimi i shtatores, e sigurisht atij i duhej lënë përballë gjithe vepra që la për kryeqytetin e sotëm.
Ndërsa në këto vite u la i pluhurosur, qëllimisht, sot u krye akti i fundit barbar ndaj shtatores së tij duke u sulmuar dhe e bërë qëllimisht pis.
Dashakeqësit mund të godadin nje shtatore por jo historinë që la pas Mbreti Ahmet Zogu, nje histori që shërbeu për themele të forta të shtetit shqiptar.
Përgjegjësit duhet të gjenden e të përgjigjen për këtë akt të turpshëm. Ftoj institucionet të kryejne detyrën per ti kthyer origjinalitetin shtatores”, shkruan ish deputetja.