Juventus ka fituar një pikë në mbrojtjen kundër Federatës Italiane të Futbollit, me këta të fundit që në bazë të drejtësisë sportive i hoqën 15 pikë nga renditja e Serie A bardhezinjve për shkak të “plusvalencave” dhe hetimit tatimor për bilancet financiare.
Një dokument mund t’u rikthejë pikët bardhezinjve, me avokatët e “Zonjës” që duhet të provojnë gjithçka në Apel.
Vendimi ka dalë sot nga Gjykata Administrative e Lazios, e cila ka bërë të ditur se në aktet e procesit duhet përfshirë edhe një dokument që përmban kërkesën e organit të konkurrencës (Covisoc) nga lindi hetimi, ndaj prokurorisë sportive rreth penalizimit apo jo të mundshëm të bardhezinjve dhe klubeve të tjera të bazuar mbi rregulloret në fuqi.