Paul Pogba pozitiv në një test dopingu. Ky është lajmi i fundit i bujshëm i raportuar nga corriere.it, sipas të cilit mesfushori i Juventusit rezultoi pozitiv në një test të kryer më 20 gusht pas hapjes së kampionatit ndaj Udinese-s.
Analizat e kryera, zbuluan gjurmë të testosteronit në gjak dhe tashmë pritet konfirmimi zyrtar. Viti i kaluar nuk ka qenë aspak i mirë për lojtarin, me këtë të fundit që qëndroi për një kohë të gjatë jashtë fushe për shkak dëmtimesh.
Francezi luajti kundër Bolonjës dhe Empolit, kishte pasur një problem të vogël muskulor dhe së fundmi kishte dhënë një intervistë duke deklaruar se kishte menduar edhe të largohej nga futbolli.