Ish-banori i ‘Big Brother VIP’, Kledi Hysa ishte i ftuar në emisionin Fun Club BB VIP”. Duket se historia e tij e dashurisë dhe flirtimet me Beatrix e penalizuan atë dhe publiku vendosi që ta largonte nga reality show.
Kledi foli sot për jetën e tij private dhe për marrëdhënien me këngëtaren shqiptare. Sipas tij, Beatrix e ka ditur për lidhjen e tij, e në fund bëri sikur nuk e dinte.
“Unë atë femër nuk e kam frikë dhe e ka ditur shumë mirë se kush jam unë. Kam folur me të dhe kam një gjë të saj që askush se ka vënë re në shtëpinë e Big Brother VIP”, tha Kledi, teksa tregonte një byzylyk.
Më pas ish-futbollisti u shpreh se njerëzit apo edhe banorët nuk e kanë parë asnjëherë të mërzitur për partneren, pasi “ka folur me të para se të hynte në shtëpi”.
Ndërsa duke folur për partneren e huaj, ai tha se brenda shtëpisë më të famshme në Shqipëri ka pasur një send të saj, për t’i dhënë mesazhin që e ka në zemër.
“Kur kam hyrë kam folur me të dhe i kam thënë se ‘çdo gjë që ndodh aty, do qëndrojë aty, se ashtu është loja. Loja ime ka qenë që të njohin Kledin, i cili ka qenë i vogël kur ka iku jashtë, i është dashur që të lërë vendin e tij dhe të jetoj në një vend të huaj”, tha ai.
Kledi tregoi se ka folur me Khaoula-n dhe se nuk do t’i tregojë aty se çfarë do të ndodh me të.
“Unë kam thënë gjithmonë se femra është gjëja më delikate, është nënë, është motër, është dashuri. E respektoj femrën. Do isha fake të thosha e dua shqiptare, shqiptaren e adhuroj. Por edhe ajo është femër shumë e mirë”, tha modeli i njohur.