Lulzim Basha edhe këtë pasdite, si shumë herë të tjera ka zgjedhur të bëhet pjesë e protëstës së banorëve të zonës së “Astirit”, të cilët sot kanë hyrë në ditën e 56 të saj.
Në mbështetje të banorëve ishte edhe kreu i PD, Lulzim Basha tha se qyetarët e bashkuar kanë forcën për të larguar këtë qeveri të cilën ai e konsideroi si bandë hajdute.
“Kjo protestë rrëzoi projektin korruptiv si modeli që mishëron qeverisjen e Ramës. Nuk mjafton vetëm largimi i shërbëtorëve të Edi Ramës në vjedhjen tek Unaza e Re. Njeriu që urdhëronte të gjithë këta vazhdon të mbetet në krye të qeverisë. Qytetarët e bashkuar kanë forcën për të larguar këtë bandë hajdute. Duhet të shembim këtë sistem që kurrë mos bëhen pazare. Duhet të pastrojmë politikën nga krimi. Rruga për të shembur këtë sistem politik është rruga e bashkimit”- tha Basha.
Pasi qëndroi për pak kohë me ta Basha u largua ndërsa banorët vijojnë të jenë të palëkundur në kërkesën e tyre për mos prishjen e banesave./ tirananews/