Në një kohë që opozita ka djegur mandatet e saj, ligjvënësit socialistë vijojnë punën në Kuvend për shqyrtimin dhe miratimin e nismave të ndryshme.
Për të lehtësuar punën e tyre, por edhe për vete e delegacionet që e takojnë atë, Gramoz Ruçi ka shpallur tenderin e mirëmbajtjes së dy ashensorëve në Kuvend.
Burime për tirananews bëjnë me dije se një prej ashensorëve është për përdorim të Kryetarit të Kuvendit dhe të delegacioneve që e vizitojnë atë, ndërkohë që ashensori tjetër është instaluar në kohën e Ilir Metës në pjesën e godinës së Kryesisë së Kuvendit ku janë të vendosura zyrat e deputeteve. Qëllimi i vendosjes së këtij ashensori në atë kohë u tha se ishte krijimi i të gjitha kushteve të përshtatshme për aksesueshmërinë e personave me aftësi të kufizuara të cilët zhvillojnë takime me të zgjedhurit e tyre, apo mund të jenë pjesëmarrës ne mbledhjet e Komisioneve të Kuvendi. /tirananews.al