Duke qenë se i kishte munguar shumë fansave të saj, këngëtarja Jonida Maliqi po vjen këtë sezon televiziv me një projekt të bukur në ekran.
Jonida do të vijë në ekranin e “Vizion Plus” me një emision “lifestyle”, i cili s’mund t’i përshtatej më mirë se kaq.
Megjithëse Jonida s’ka dhënë më tepër detaje, drejtori i promocionit të Vizion Plus, Ilir Dyrmishi, ka treguar për “monitor.al” se programi i ri do të quhet “Jonida’s Room”.
Ky emision do të transmetohet çdo të shtunë në prime time dhe do të na shoqërojë shumë shpejt në ekran.
Pak javë më parë, ajo tha në një intervistë se ka gati dy produksione, dhe për një prej tyre po bashkëpunon me Romeon.
“Kam një këngë që ka dalë nga studio, një bashkëpunim me një artist xhamajkan që jeton në Kanada, dhe na ka ngelur videoja pa xhiruar prej situatës së krijuar nga pandemia. Paralelisht po punoj me një material tjetër muzikor dhe Romeo po shkruan tekstin e saj”.