Gjatë fjalës së saj në seancë plenare, deputetja e PD-së Jorida Tabaku, njëherësh kryetare e komisionit hetimor të inceneratorëve, kërkoi nga SPAK të ndëshkojë grupin e strukturuar kriminal pas inceneratorëve.
“E gjithë skema e inceneratorëve nuk është vetëm se një hartë e operimit e një Grupi të Strukturuar Kriminal. Për këtë arsye askush nga ne sot nuk është i gëzuar që SPAK ka arrestuar Lefter Kokën, që padyshim është përgjegjës për këtë aferë. Pasi çdokush prej nesh, përfshirë edhe anën tjetër të këtij parlamenti e kanë të qartë që Lefter Koka nuk është i vetëm në këtë lojë.
Mjafton t’ju përmend se sot në bankën e të akuzuarve duhet të jetë edhe deputeti Alqi Bllako që është zbuluar se ka një lidhje korruptive sepse babai i tij ka përfituar miliona në formë nën-kontraktimi nga kompanitë e inceneratorëve kur Bllako ishte sekretar i përgjithshëm në Ministrinë e Kokës.”- u shpreh Tabaku.