Mungesa e protagonizmit të Timo Wernerit në sezonin e shkuar vijon të konsiderohet një mundësi ideale në merkato nga Juventusi dhe Milani. ‘’Zonja e Vjetër ‘’ dhe kuqezinjtë kanë nisur ofensivën për gjermanin, për të cilin e ardhmja në ‘’ Stamford Bridge ‘’ është ndërlikuar pas transferimit të Raheem Sterling.
Për 26-vjeçarin kjo periudhë konsiderohet determinante për ta mbyllur kapitullin e të kaluarës dhe të fillojë një tjetër eksperiencë në Serinë A . Pritet një duel gjigandësh sepse si bardhezinjtë ashtu edhe ‘’ Djalli ‘’ do të japin maksimumin për të firmosur me golashënuesin .
Fatkeqësisht aventura tek Chelsea nuk e ka bindur bashkombasin Thomas Tuchel për të besuar në aftësitë e ishi-t të Leipzigut edhe në të ardhmen dhe fakti i të qënit i pretenduar nga Juventusi dhe Milani sigurisht tregon se Timo Werner mbetet një lojtar tejet i rëndësishëm në metrat e fundit.