Juventusi ka njoftuar se Cristiano Ronaldo ka pësuar vetëm një dëmtim të vogël duke luajtur për Portugalinë kundër Serbisë në një ndeshje kualifikuese për Kampionatin Evropian 2020. Ronaldo e la fushën në fillim të ndeshjen, e cila mbaroi pa fitues 1:1, pasi pësoi një lëndim në kofshe.
Si pasojë, paraqitja e portugezit për Juventusin në ndeshjen e parë çerekfinale kundër Ajaxit në Ligën e Kampionëve është vënë në dyshim. Por, Juve ka konfirmuar përmes një raporti mjekësor në uebsajtin e vet zyrtar se testet kanë treguar se Ronaldo ka pësuar vetëm një dëmtim të vogël në kofshën e djathtë. Edhe pse lëndimi nuk duket të jetë serioz, Ronaldo do t’iu nënshtrohet disa testeve tjera mjekësore sapo të kthehet në Torino.