“Ka humbur ekuilibrin mendor…”, Ngjela për Metën: Nuk di se kë kërcënon dhe se kujt i kërkon mbrojtje

Spartak Ngjela ka komentuar deklaratat e presidentit Ilir Meta ku fliste për komplot ndërkombëtar në zgjedhjet e 30 qershorit dhe ku sulmoi ashpër kryeministrin Edi Rama, madje edhe multimiliarderin Xhorxh Soros. Ngjela tha në emisionin OPEN në Top Channel se Meta është i shqetësuar, pasi është nën akuzë nga drejtësia. “Nuk ishte as sulm dhe as mbrojtje. Tregon që është i shqetësuar. Njerëzit që janë nën akuzë e humbasin ekuilibrin mendor. 80% e kryeministrave të Perëndimit shkojnë nën akuzë, por janë avokat. E dinë se çdo të thotë akuzë. Këta janë kafshë të buta. Një presidenti nuk I lejohet ky nivel diskutimi, ai e di se është në akuzë. Ai nuk dihet se kë kërcënon dhe se kujt I kërkon mbrojtje. Të vijmë tek fakti. Ai ka nxjerrë një dekret të pavlefshëm. A ka të drejtë presidenti të mos I dekretojë zgjedhjet? Ai e ka të detyrueshme caktimin e një dite për zgjedhjet. Nuk e ka në vullnetin e tij. Kaq ka. Në bazë të Kushtetutës ka të drejtë të dekretojë kryeministrin. Kryeministri zgjedh ministrat. E zëmë se ditën e katërt zhdekreton kryeministrin. Nuk ikën kryeministri, ikën presidenti”, tha Spartak Ngjela.