Kryeministri i vendit, Edi Rama, bisedoi në episodin e parë në podkastin e tij “Flasim” me sportistët elitarë, ndërsa ata rrëfyen momente e tyre të vështira.
Ka qenë peshëngritësi, Erkand Qerimaj, i cili thotë se tronditjen më të madhe e ka pësuar kur ka rezultuar pozitiv në testin anti-doping.
Gjithsesi, sportisti thotë se vendosi të luftojë dhe të rikthehet sërish në majën e sportit.
“Për mua ka qenë ndër sprovat më të forta të jetës ai moment. Pasi kur bëjmë kontrollin, çdo gjë e deklarojmë çfarë ne marrim, produktet vitaminat dhe të gjitha këto dhe kur më ka thënë babai, ndjesë pastë se nuk jeton më, duhet të shkon në Tiranë se nuk kanë dalë mirë analizat, ka qenë një goditje shumë e madhe e karrierës. Unë kisha kërkuar çdo gjë brenda rregullave dhe e lejuar, dhe brenda ligjit dhe çdo gjë e deklaruar në procesverbal, që ne i shkruajmë gjatë kontrollit, se bëjmë për çdo muaj. Rreth kësaj përudhë mund të kem bërë 12-15 teste për një vit, pasi jemi nën kontroll tërë kohën, pasi jemi elitarë,. Por vendosmëria për t’u kthyer në stërvitje dhe për faj të asaj që ndodhi me mospasjen e një mjeku e duke pasur parasysh instancat, vendosa të rikthehem fuqishëm e mendoj që për çdo njeri tregon momentin kur bie poshtë, të ringrihesh edhe njëherë lart. U ri ngrita kur u riktheva si kampion Europe nga Izraeli, kur urimin e kam marrë nga ju, mikpritjen dhe medaljen, ka qenë rikthimi dhe momenti, dhe pavarësisht të asaj që ka ndodh, por duhet të tregojmë forcë dhe të rikthemi fort, dhe pavarësisht kushteve unë kam dalë në stërvitje dhe nuk kam rënë në pjesën e pesimizmit që të shkoj në rrugë tjetër. Njeriu duhet të luftoj çdo moment, edhe në momente të vështira”, tha Qerimaj.