Kombëtarja shqiptare e futbollit mësoi të dielën emrat e kundërshtarëve me të cilët do të përballet në kualifikueset e “Euro 2024”, ndërsa UEFA së fundmi publikoi dhe datat e oraret zyrtare kur do të zhvillohen ndeshjet. Shorti i pozicionoi kuqezinjtë në Grupin E, së bashku me Poloninë, Republikën Çeke, Ishujt Faroe dhe Moldavinë. Shqipëria do të nisë eliminatoret në transfertë, me duelin ndaj Polonisë, që do të luhet më datën 27 mars 2023.
