Deputeti i Partisë Socialiste, ish-zv/kryeministri Erion Braçe është shprehur me rezerva në lidhje me projektligjin e qeverisë së tij për kanabisin mjekësor. Gjatë fjalës së tij në Komisionin e Ekonomisë këtë të hënë, Braçe tha se në projektligj duhet të jepet e përcaktuar sesa do të jetë sipërfaqja e kanabisit që do të kultivohet në vend.
“Në rastin e kultivimit të kanabisit nuk ka kufij. Nuk është vendosur një nen ose një kufi për këtë gjë. Doja një sqarim dhe më pas të bëja një propozim”,-tha Braçe.
Përfaqësues të ministrisë së Bujqësisë: Nuk ka një përkufizim të sipërfaqes. Në projektligj parashikohet se do të parashikohen zonat kadastrale ku do të mbillet kërpi industrial. Për pjesën mjekësore përgjigjen kolegët. Kemi vendosur një njeri prodhuese që nuk është më e vogël se 5 Ha dhe jo më shumë se 10 Ha. Dhe që mos të jepen më shumë se 4 licenca. Pra ky është maksimumi për kanabisin.
Braçe: Jam kategorikisht kundër që në këtë ligj mos të ketë kufizim për sipërfaqen që do mbyllet, për kultivimin e kanabisit për kanabisin mjekësor. Ta lësh të lirë me ligj, do të thotë ta lësh të lirë dhe në qeveri. Që do të thotë se në kushtet kur ky vend ka kaluar ngjarje të tilla, siç është ajo në Malësinë e Madhe që është bërë kënga nga këtu deri në Britani, veçanërisht me Kërp, kjo është e papranueshme. Ndaj propozimi im është që të vendoset kufizimi në sipërfaqe. Për mos t’i dhënë mundësi zotit Mondi që të bëjë humor kohë pas kohe propozoj të bëhen përcaktimi.