Të premten do të ristartojë pas dy ditëve pushim Botërori që mbahet në Katar, kjo për të zhvilluar katër ndeshjet ndeshjet çerekfinale, aty ku bëjnë pjesë emra prestigjiozë si Argjentina, Brazili, Portugalia, Kroacia, Franca, Anglia, Holanda dhe Maroku.
Teksa futemi në fazën më interesante të Botërorit, lojtarët duhet të bëjnë kujdes me ndëshkimet, pasi janë plot 23 të tillë që me një karton të verdhë rrezikojnë të mungojnë në gjysmëfinale. Në këtë aspekt, vetëm Anglia mund të qëndrojë e qetë pasi asnjë prej britanikëve nuk e rrezikon gjysmëfinalen, ndërsa në ndeshjen me Francën duhet të shmangin kartonin e kuq.
Në kombëtaret e tjera ka shumë lojtarë që duhet të luajnë me “laps e letër”, madje bëhet fjalë për yje që nëse mungojnë në gjysmëfinale, do të konsiderohej një fatkeqësi për kompeticionin.
Kroacia--Modric, Lovren, Barisic dhe Kovacic
Brazili- Fred, Bruno Guimaraes dhe Militao
Franca- Kounde, Tchouameni
Maroku- Amrabat, Sabiri, Saiss
Portugalia- Bruno Fernandes, Danilo, Ruben Neves, Joao Felix, Ruben Dias
Holanda- De Ligt, Ake, Frenkie De Jong, Koopmeiners
Argjentina- Montiel, Acuna.