Alban Ramosaj nuk na i kursen momentet e rëndësishme të përditshmërisë, njëri prej të cilëve është biseda e ditës me mamanë e tij.
Në pamundësi për të qenë bashkë, këngëtari dhe e ëma flasin me videocall dhe pikërisht foton e bisedës së tyre, Albani e ka publikuar në InstaStory.
Ky i fundit e pranon që është tepër i lidhur me të ëmën dhe s’e ka aspak problem ta quajë veten ‘djalë mamaje’.
“Dashuria e jetës sime. Një moment nga telefonata jonë sot. Mami im, djali i mamit. Mall për shtëpinë”- shkruan Albani krahas fotos.
Së fundmi, “Prive” ka mësuar se Ramosaj është zhvendosur në Spanjë dhe në këtë mënyrë ka vendosur të distancohet nga Shqipëria.
Nuk dihet çfarë e ka shtyrë drejt kësaj, por thuhet se ky është një vendim personal i këngëtarit. Alban Ramosaj i ka kaluar periudha të ndryshme të jetës në vende të ndryshme dhe duket se për momentin ka menduar të jetojë në Spanjë. Këngëtari ka jetuar për pak kohë në Tiranë, ndërsa fëmijërinë e tij e ka kaluar në Holandë.