Motra e Adelina Ismailit, Zanfina ka 3 vite që nuk është aspak aktive në muzikë dhe kënga e fundit që ka publikuar është “S’je ai mo”. Ndërkohë që të gjithë mendonim se kjo mund të ishte një pauzë, njësoj siç bëri edhe Adelina disa vite më parë, në fakt nuk është e tillë. E ftuar së fundmi në emisionin “tetë a tetë” të motrës së saj, Zanfina ka zbuluar se ka marrë një vendim pa kthim pas.
Ajo tregoi se nuk do i rikthehet më muzikës dhe se kapitullin e saj të karrierës artistike e ka mbyllur përfundimisht. Zanfina tha se aktualisht po punon në dy profesione të ndryshme, por preferoi të tregonte se për çfarë bëhet fjalë.
Ndërkohë “Prive” ka mësuar se Zanfina i është futur botës së medias njësoj si motra e saj e madhe, Adelina. Por në krahasim me Adelinën që është pjesë e ekranit, Zanfina ka zgjedhur të jetë më e fshehtë. Ajo ka nisur punë në një radio në Prishtinë, por nuk dihen detaje të tjera në lidhje me këtë gjë.
Zanfina ka treguar më herët se është lodhur shumë nga jeta si personazh i famshëm, për shkak të profesionit si këngëtare dhe streset me të cilat shoqërohet. Për këttë arsye ajo ka zgjedhur të heqë dorë përfundimisht nga muizka, duke zgjedhur një profesion më komod për të.