Ylli botëror, artistja amerikane Lizzo është paditur nga tre ish-balerinë të saj të cilët e akuzojnë atë për krijimin e një mjedisi toksik pune. Në padi thuhet se këngëtarja ka bërë sjellje denigruse të cilat përfshijnë ngacmime të bazuara në seks, fe, racë dhe aftësi të kufizuara.
“Lizzo dhe ekipi i saj i trajtuan balerinët në një mënyrë që bie ndesh me gjithçka që ajo përfaqëson publikisht, ndërsa privatisht ajo i poshtëron ata në një mënyrë jo vetëm të paligjshme, por edhe absolutisht demoralizuese”,-thotë avokati, Ron Zambrano, në një deklaratë.
Kjo nuk është hera e parë që këngëtarja e njohur amerikane ka probleme të tilla ligjore. Edhe në vitin 2019 ajo u akuzua për shpifje, shqetësim emocional të qëllimshëm dhe cënim të privatësisë nga një punonjëse.