Tashmë s’ka më dyshime, këto këpucë i kanë lënë të gjithë “me gojë hapur”. Shtëpitë e modës janë dorëzuar këtë sezon me një palë çizme të cilat konsiderohen nga të gjithë si këpucët e vitit 2022.
“Jimmy Choo x Mugler”, kjo shtëpi e mirënjohur e modës i publikoi këto çizme vetëm pak ditë më parë, por tashmë ato janë në këmbët e femrave më me stil dhe paksa të guximshme.
Me një pëlhurë rrjetë mbresëlënëse që mbështillet rreth këmbës, ato duken shumë joshëse. Çizmet kanë një stil të mrekullueshëm deri te kofshët dhe janë të disponueshme në ngjyrë neoni të zezë dhe jeshile. Vijat e zhveshura (në dy nuanca) japin një iluzion shumë të lezetshëm që i bën të duken sikur nuk keni veshur fare këpucë.
