Arabia Saudite po përpiqet që të rrëmbejë edhe Lionel Messi-n. Me kontratën e yllit argjentinas që përfundon në verë, nuk është çudi që ai të transferohet në kampionatin saudit.
Klubi i Al-Hilal ka shfaqur interes për shtatë herë fituesin e “Topit të Artë” dhe është gati që të bëjë çmendurira për të. Përfaqësuesit e klubit nga Riadi, kontaktuan me përfaqësuesit e 35-vjeçarit.
Sauditëve u është bërë e qartë se Mesi do të ishte gati që të firmoste, por në këmbim do 600 milionë Euro për dy sezonet e ardhshme. Një shifër e çmendur, por që në Arabi po e shqyrtojnë. Nëse operacioni kryhet, do të kemi sërish një duel CR7-Messi, me dy futbollistët që do të risillnin një “El Klasiko” saudit, që do ta shtonte edhe më shumë popullaritetin e kampionatit të vendit.