Në merkaton e janarit, të shumta janë skuadrat që bëjnë ndërhyrje duke afruar apo larguar futbollistë në reparte të cilat nuk kanë bindur gjatë këtyre muajve. Numri i shqiptarëve të cilët po bëjnë lëvizje gjatë janarit, është i lartë dhe mesa duket, as vendi i titullarit nuk i shpëton disa.
Një rast konkret mund të jetë ai i Etrit Berishës që po kthehet në një titullar të padiskutueshëm të Atalanta, ku me ndërhyrjet e tij shpesh herë ka arritur të jetë vendimtar. Megjithatë, paraqitjet e tij me fanellën zikaltër duket se nuk e kanë bindur tifozerinë e Atalantës të cilët kanë kërkuar nga klubi që në janar të afrohet një futbollist i ri.
Në komentet e ndryshme të bëra në rrjetet sociale, ata e kanë vlerësuar portierin shqiptar, por gjithsesi nuk janë të bindur në aftësitë e tij dhe shprehen se nuk kanë siguri në portë. “Na duhet një portier i ri”, shkruajnë pjesa dërrmuese e tifozerisë bergamaske në rrjetet sociale, duke bërë që edhe Berisha, të mos ndihet i sigurt.