Këshilltari për ekonominë i kreut të PD-së, Dritan Shano deklaroi nw A2CNN se në rast se Ilir Meta kandidon për kryetar të bashkisë Tiranë, ai do të votojë kryetarin aktual, Erion Veliaj.
“Patjetër që ka një kërcitje shumë të madhe morale në bashkimin e asaj që pretendohet se është e djathtë, me një llokëm thelbësisht të majtë siç është rasti i Ilir Metës. Kam parë spekulime në gazetë që Ilir Meta do të jetë kandidati i ardhshëm për Bashkinë e Tiranës i këtij grupimi të përbashkët e me radhë. Tani, unë nuk kisha ndërmend as të merrja pjesë në zgjedhje, por nëqoftëse kjo ndodh, unë do të dal të votoj për Erion Veliajn dhe do i bëj thirrje të gjtihë njerëzve të ngjashëm si puna ime që të japin një mesazh. Disa njerëz, disa tipologji të të bërit politikë duhet të ikin në shtëpi. Duhet të hapin krahun dhe kjo gjë duhet të ndodhë me hir apo me pahir. Dakord, dhe këta njerëz janë mjeshtra dhe e kanë kllaposur këtë vend me ndryshimet kushtetuese të 2008-s dhe në këtë vend njerëzit janë të paralizuar, shtyhen të bëjnë atë që mundin, jo atë që duhet. Ti bisedon dhe të gjithë të japin të drejtë:- Po tani çfarë të bëjmë? Po asnjëri nuk thotë: -Ore ajo që ti duhet të bësh është ta braktisësh këtë mënyrë të të bërit politikë. Këtë propozim politik, njerëzor dhe taktik. Dakord?! Këta njerëz e kanë shtyrë tjetrin tek ajo që mund të bëjë, jo tek ajo që duhet të bëjë. Ne jemi një shoqëri që jemi në pikë kthese, në një pikë të rëndë. Jemi të varfër dhe kjo që po ndodh do na rëndojë shumë, por ne na duhet që të shkundemi fort. Ne na duhet të bëjmë jo atë që mundemi, por të bëjmë atë që duhet dhe ajo që duhet është të pastrojmë një krah të politikës. Kush është më i thjeshtë? Spastrimi i opozitës”, tha Shano.