Noizy është një ndër reperët më të suksesshëm në vendin tonë. Reperi është aktiv prej vitesh me prurjet e reja muzikore, të cilat menjeherë bëhen ‘hite’.
Së fundmi, ai ka ndarë me ndjekësit e tij dhuratën që ia ka zbukuruar ditën, vlerësimin nga platforma e muzikës “YouTube” për arritjen e 1 milion ‘subscribers-ave’ në kanalin e tij zyrtar “thisisnoizy”.
“Ju faleminderit për 1.000.000 subscribers”, ka shkruar Noizy krahas videos ku mban pllakën e arit nga “Youtube”.
Kujtojmë se një ndër lajmet më të bujshme ditëve të fundit ka qenë pajtimi i Stresit dhe Noizy-n.
Më herët, në videot e tyre live në Instagram, Stresi ka vlerësuar për të disatën herë Noizy-n, ndërsa ky i fundit ka treguar më vonë se pasi ka biseduar me djemtë e tij, kanë vendosur ta falin Stresin.
Kjo ishte një ngjarje e papritur për fansat e të dyja palëve, të cilët deri tashmë përfshiheshin në “përleshje” online me njëri-tjetrin.
Ky ishte edhe një mesazh i mirë nga dy repert për rininë shqiptare, duke qenë se janë shembuj që ndiqen në masë në vendin tonë.
Ndonjëherë , falja është më e mirë se hakmarrja dhe ky ishte rasti më i mirë që e vërtetoi këtë!
Kësaj here, “lufta” e gjatë mes Noizy-t dhe Stresit mori vërtetë fund!