Sulmet ruse në Kiev mund të jenë “një sulm simbolik” përpara fillimit të samitit të NATO-s të kësaj jave në Madrid, tha sot kryebashkiaku i kryeqytetit ukrainas Vitali Klitschko, sipas skynews
Komentet erdhën pasi zyrtarët konfirmuan se një person ishte vrarë dhe pesë u plagosën pas sulmeve ruse në Kiev sot. Ditën e sotme u raportuan sulme në qendrën e Kievit në orët e hershme, sulmi i parë në qytet pas javësh.
Dy shpërthime të tjera u dëgjuan në periferi jugore të qytetit më vonë gjatë ditës, tha një reporter i Reuters.