Ish ylli i Barcelonës, Patrick Kluivert ka një këshillë për katalanasit. Holandezi i ka rekomanduar klubit blaugrana që të shikojë nga e ardhmja dhe të fillojë të kërkojë zëvendësin e mundshëm të Lionel Messi-t, të cilin e konsideron lojtarin më të mirë në botë.
“Unë mendoj se në këtë moment, Messi është më i miri në botë. Ai ka qenë i tillë prej disa vitesh. Barcelona pa Messi-n është shumë më pak, kjo është e qartë dhe nuk është çudi ta them”, – tha Kluivert gjatë një ngjarjeje reklamuese në Ciudad të Meksikës.
Kluivert, 42 vjeç, ka luajtur për Barçën midis viteve 1998 dhe 2004. Kështu, ai e përsëriti qëndrimin e tij mbi yllin argjentinas: “Ju duhet të shikoni nga e ardhmja. Që ta bëjë këtë, Barcelona duhet të gjejë një zëvendësues të Messi-t, ose të shohë se si do të luajë pa të. Kjo është shumë e rëndësishme”.