Policia e Tiranës ka vënë në pranga katër persona dhe ka sekuestruar një sasi droge në sajë të operacionit të koduar “Orët e vona”.
Pas informacioneve të marra policia ka ushtruar kontroll në një lokal në rrugën “Sulejman Delvina” që ishte marrë me qira nga A.B, 31 vjeç. Këtë lokale frekuentonin persona të ndryshëm duke pirë e shpërndarë lëndë narkotike.
Nga kontrolli i kryer nga policia në ambientet e lokalit policia gjeti dhe sekuestroi 12 doza të dyshuara me lëndë narkotike kokainë.
Në momentin e kontrollit nga Policia në lokal ndodheshin shtetasit A. B., A. K., E. M. dhe A. D, të cilët janë shoqëruar në DVP Tiranë dhe në përfundim të veprimeve është bërë arrestimi në flagrancë i shtetasve E.M, A.K, A.B, u procedua në gjendje të lirë shtetasi A.D, si dhe u sekuestruan në cilësinë e provës materiale:
Të arrestuar janë personi që kishte marrë me qira lokalin, A.B., 31 vjeç, banues në Tiranë, për veprën penale “Prodhim dhe shitje të lëndëve narkotike” dhe “Përshtatje e lokalit për përdorim droge” . Si dhe A.K., 23 vjeç, dhe E.M., 26 vjeç, të dy për veprën penale “Prodhim dhe shitje të lëndëve narkotike”, “Largim i të burgosurit nga vendi i qëndrimit”, person me precedent të theksuar kriminal në fushën e narkotikëve.
Ndërkohë në gjendje të lirë për moskallëzim krimi u procedua dhe A.D., 26 vjeç.
Gjithashtu gjatë këtij operacionit nga ana e shërbimeve ”Shigjeta” të policisë së Tiranës, është kapur në flagrancë në Laprakë L. B, të cilit gjatë kontrollit të ushtruar në trup i është gjetur një sasi lënde narkotike “Cannabis Sativa “.
Pas një pune të mirëfilltë hetimore nga ana e Seksionit për Hetimin e Narkotikëve u bë e mundur identifikimi i personit i cili ja ka shitur këtë sasi lënde narkotike shtetasit L.B., që është R. T. 21 vjec, i dënuar më parë për “Vjedhje ” .
R.T, në momentin e shoqërimit për në ambientet e policisë ka kundërshtuar me dhunë punonjësit e Policisë duke i detyruar këta të fundit të bëjnë shoqërimin forcërisht të tij.
Në përfundim të veprimeve është bërë arrestimi në flagrancë i shtetasit R.T, për veprën penale ”Prodhim dhe shitje të narkotikëve” dhe “ Mosbindja ndaj urdhërit të punojësit të policisë të rendit publik “. Këtij shtetasi ju sekuestruan edhe një shumë lekësh të dyshuara si të përfituara nga shtija e lëndës narkotike.
Si dhe filloi procedimi penal në gjendje të lirë ndaj shtetasit L.B, për veprën penale”Prodhimi dhe shitja e narkotikëve”.
Materialet në ngarkim të shtetasëve të mësipërm do ti kalojnë Prokurorisë së Rrethit Gjyqësor Tiranë për veprime të mëtejshme.