Gjatë zhvillimit të mbledhjes së Kryetarëve, deputetja e Partisë socialiste, Elisa Spiropali ka folur për emrin e Presidentit të ri të Republikës, ku tha se Partia Demokratike s’ka ndërmend të zgjedhë një kryetar shteti që i shërben partisë. Spiropali theksoi se mazhoranca s’ka vendosur asnjë kusht për opozitën dhe për rrjedhojë, kushte nuk mund të pranohen as nga opozita.
“Ka një kohë për të bërë politikë, ka një kohë për të bërë procedurë, edhe të dyja njëkohësisht. Në Kushtetutë thuhet qartë se si zgjidhet procesi kushtetues. Këtu është bërë zakon të flitet për procese të brendshme të Partisë Socialiste në një kohë kur në palën tjetër s’ka fare proces. Përsëriten propozimet me zarfe, apo konsultimet me shoqërinë civile. A thua se kjo është mëkat. Ne nuk kemi vendosur asnjë kusht për opozitën. Sigurisht që kemi konceptet tona për një profil se si duhet të jetë Presidenti i Republikës, duke pasur parasysh edhe pushtetin e madh që kemi akumuluar, ku këtu ka kontribuar opozita duke ikur nga procese shumë të rëndësishme. Ne nuk duam një President të të PS-së. Duam të marrim nga ju emrat më të mirë, por nuk duam kushte”, u shpreh Spiropali.
Nga ana tjetër, Enkelejd Alibeaj u përgjigj duke thënë se askush nuk ka vendosur kushte por Presidenti i ri duhet të jetë i shqiptarëve dhe jo i PS-së.