Më 16 nëntor do të luhet në ‘Air Albania’ ndeshja miqësore e kombëtares kundër Italisë. Ishte presidenti i federatës italiane të futbollit Gabriele Gravina ai i cili e tha fillimisht, ndërsa tani është konfirmuar data nga të dy federatat.
Në këtë periudhë do jetë Botërori në Katar, por duke qenë se Italia nuk siguroi kualifikimin do bëjë një test në ‘Air Albania’. Kampionët e Europës kanë planifikuar kundër kuqezinjve një 90 minutësh për të parë formën e lojtarëve dhe për qartësuar idetë për të ardhmen.
Në historinë e përfaqësueses shqiptare, kjo do të jetë miqësorja e dytë pas asaj të vitit 2014, kur Shqipëria u mposht 1- 0 në minutën e 82-të me golin e Stefano Okakës. Por jo vetëm kjo miqësore, pasi me kombëtaren italiane kuqezinjtë kanë luajtur edhe dy sfida të tjera, të vlefshme për kualifikueset e Botërorit “Rusi 2018”, ku u shortuam në grup.
Po ashtu, edhe këto dy takime kanë përfunduar me fitoren e “Axurrëve”, 2-0 në Itali dhe 0-1 në Shkodër në vitin 2017.