Dy drejtues mjetesh të transportit interurban janë përfshirë në konflikt me njëri-tjetrin për pasagjerët e për pasojë një prej tyre është dëmtuar rëndë në kokë.
Ngjarja ka ndodhur në Këlcyrë, ku drejtues i një autobusi, A.M., 50 vjeç është konfliktuar me I. Ç., 50 vjec drejtues fugoni.
Gjatë konfliktit drejtuesi i autobusit është rrëzuar dhe është dëmtuar në kokë. Ai është dërguar me urgjencë në spitalin e Traumës në Tiranë.
NJOFTIMI I POLICISE
Në qytetin e Këlcyrës shtetasi A.M., rreth 50 vjeç, banues në Përmet, drejtues autobuzi është konfliktuar (për pasagjerë) me shtetasin I.Ç, rreth 50 vjeç, banues në Këlcyrë, drejtues fugoni.
Shtetasi A.M., gjatë konfliktit është rrëzuar dhe është dëmtuar në kokë, i cili është transportuar drejtë spitalit të Traumës Tiranë. Shtetasi I.Ç., është
shoqëruar në ambientet e Komisariatit të Policisë Përmet.
Grupi hetimor po punon për zbardhjen e plotë të ngjarjes.
