Juristja Brizida Gjikondi ka komentuar kontratën lobuese të Partisë Demokratike, duke e cilësuar atë si një akt të heshtur por domethënës. Sipas saj, heshtja e PD-së për këtë çështje është tregues i qartë për qëllimin e vërtetë të kontratës, të cilën ajo e interpreton si një kontratë lobimi në shërbim të Sali Berishës dhe familjes së tij.
“Çfarë nuk flitet, nuk ka ndodhur. Ata po përpiqen, edhe Noka, kanë një heshtje dhe kjo i tregon të gjitha,” deklaroi Gjikondi, duke theksuar mungesën e transparencës nga ana e PD-së.
Ajo gjithashtu kritikoi dhe ish-kryeparlamentaren Jozefina Topalli, duke thënë se ndonëse ka folur publikisht, ende nuk ka mbyllur partinë e saj.
Ndër të tjera, Gjikondi u ndal edhe te problemet me procesin e votimit nga diaspora, duke ironizuar udhëzimet që u dhanë për përdorimin e shërbimit postar DHL: “Edhe gafat që ka bërë për DHL, që shkoni tërhiqeni vetë votën, janë shëmtira që nuk hahen më në 2025.”
Në përfundim, Gjikondi theksoi se çdo detaj, edhe një lidhëz, në deklaratat e PD-së, është element i rëndësishëm për t’u verifikuar.