“Qendra Kinematografike e Kosovës” ka bërë me dije se filmi “Zgjoi”, tri herë fituesi i “Fesitvalit të Sundance”, është propozuar për Oscars 2022. Edhe Presidentja e vendit, Vjosa Osmani, përmes një statusi në Twitter, ka reaguar duke uruar shumë suksese ekipit të filmit.
“Është zyrtare. Aplikimi i Kosovës për Oscars është “Zgjoi (Hive)”. Përveçse ëshyë një kryevepër, kjo histori e luftës dhe këmbënguljes është një frymëzim. Fat të mbarë Blerta Basholli dhe ekipit. Fituesi i trefishtë i Sundance, ‘Hive’ është zgjedhur si Pretendues Ndërkombëtar i ‘Oscar’-it”, ka shkruar presidentja.
Yll Ulka, Valon Bajgora dhe Agon Uka janë producent të filmit; drejtor fotografie Alex Bloom, montazher Enis Saraçi dhe Félix Sandri, dhe bashkëproducentë, Britta Rindelaub, Kristijan Burovski, Tomi Salkovski, dhe Paskal Semini. Në rolin kryesor luan Yllka Gashi, ndërsa në rolet tjera luajnë Çun Lajçi, Kumrije Hoxha, Aurita Agushi, Kaona Sylejmani, Mal Noah Safçiu, Adriana Matoshi, Astri Kabashi, Molikë Maxhuni, Blerta Ismaili, Valire Haxhijaj Zeneli, Armend Smajli, Ilir Prapashtica, Xhejlane Terbunja, Shkelqim Islami etj.
Zgjoi është një dramë e bazuar në historinë e vërtetë të Fahrije (Yllka Gashi), e cila, si shumë nga gratë e tjera në fshatin e saj patriarkal, ka jetuar me shpresë të zbehur dhe pikëllim në rritje që kur burri i saj u zhduk gjatë luftës në Kosovë. Në mënyrë që të sigurojë familjen e saj në vështirësi, ajo mbledh së bashku vejushat e tjera në komunitetin e saj për të filluar një biznes që shet një produkt ushqimor vendas. Gjetja e shërimit dhe ngushëllimit në shqyrtimin e një të ardhme pa burrat e tyre, por vullneti i tyre për të filluar të jetojnë në mënyrë të pavarur takohet me armiqësi. Burrat në fshat dënojnë përpjekjet e Fahrijes për të fuqizuar veten dhe gratë përreth saj, duke filluar një grindje që kërcënon sovranitetin e tyre të ri.