Policia e Gjirokastrës ka dhënë detajet e para zyrtare lidhur me ngjarjen e rëndë në fshatin Shalës të Memaliajt.
Sipas informacionit paraprak të policisë, Arjan Shahaj, 35 vjeç është person që ka probleme të shëndetit mendor. Ai ka goditur me mjete të forta babain e tij 77-vjeçar, Iljaz Shahaj duke i shkaktuar vdekjen.
Policia ka ngritur kontrolle dhe po bën krehjen e zonës për gjetjen dhe kapjen e autorit.
Lexo edhe- E rëndë në Memaliaj, i riu vret të atin me sëpatë
Shahaj mësohet se ka pasur tentativa të tjera për të vrarë të afërmit e tij, ndërsa nuk dihet pse ai nuk është çuar në një institucion të posaçëm për njerëz që vuajnë nga shëndeti mendor.
Një vit më parë ai ka tentuar të vrasë një kushëririn e tij, ndërsa në 2003-shin ka tentuar të vrasë nënën e tij.
Mësohet se këtë të hënë ai ka shkuar me të atin në pyll për dushk, e pas një grindje mes tyre ka ndodhur ngjarja e rëndë.
