Sot pasdite në fushën sportive “Dali Farruku” Burrel u prezantua trajneri i ri i skuadrës matjane. Kryetari i Bashkisë Mat, Agron Malaj tha se në krye të pankinës së Burrelit do të jetë Dorjan Bubeqi.
“Bubeqi, tha Presidenti i klubit burrelas, është një specialist i spikatur, i zoti dhe me kontribute në futbollin shqiptar. Ai me siguri do ta ngrejë më lart ekipin. Bubeqi, shtoi Malaj, dhe për këtë do të ketë mbështetjen e bashkisë dhe të tifozëve matjanë”.
Tekniku Dorjan Bubeqi tha se ndjehej me fat që do të drejtojë një skuadër me emër në futbollin shqiptar siç është Burreli.
“Unë dua që Burreli të arrijë rezultate pozitive në ndeshjet që vijnë. Duhet të punojmë shumë, gjithë javën, për të arritur aty ku duhet, në vendin e merituar. Kur fitojmë gëzohemi dhe meritat i marrim të gjithë bashkë”, theksoi Bubeqi në takimin e parë me ekipin matjan.
Mësohet se ish-trajneri Renato Hoti do të jetë ndihmëstrajner dhe ai sot mori falenderime nga kryetari i bashkisë për kontributin e dhënë deri më tani.
Të fundit
Postime te ngjashme
Add A Comment