Monika Kryemadhi ka pranuar se është në hetim pasuror nga SPAK. E ftuar në emisionin ‘Kontrast’ ajo tha se është e hapur të përballet me drejtësinë.
‘Çështja e inceneratorëve me dokumentet që unë i kam çuar SPAK ka 70% të hetimit të çështjes. E ka llokum të qëruar për 3 inceneratorët. Me Çështjen e dherave jo vetëm SPAK por edhe antidroga gjejnë paratë e drogës që janë hedhur në prokurorinë shqiptarë. Kanë mundësi të gjejnë ku pare e drogës janë injektuar. Çështja e inceneratorëve përfshin piramidën nga maja e saj dhe them gjithmonë nuk është ushtari ai që ka përgjegjësinë dhe është ideatori. Nëse denoncimet e mia nuk do të ishin kaq të egra dhe të drejtpërdrejta, nuk do të ishim në hetim pasuror dhe nuk më shqetëson pasi unë nuk kam asgjë për të fshehur. Dihet se çfarë shtëpia ka Monika. Në shtëpinë e Kryemadhit kanë hyrë të gjithë politikanët. Erion Veliaj shpërndan fjalët. Do ta kryejë SPAK. Nuk bashkëpunoj për SPAK po për veten time.’- tha Kryemadhi.
Monika Kryemadhi, deputete e Partisë së Lirisë, thotë e kishte të pamundur që të votonte sot, në seancën ku me votat e mazhorancës iu hoq imuniteti Sali Berishës, duke i hapur rrugë SPAK-ut për masën e arrestit ndaj tij.